燒烤堂 (Moved) New Location

返左成個星期工，終於星期五緊係要約下朋友出黎食飯聚聚，又想飲下酒，最佳配搭一定係食串燒！黎左呢間燒烤屋，店面唔算大，但好有風味，陣陣串燒既香味傳哂出黎！燒軟骨免治雞肉棒！呢個特別之處係混入左雞軟骨，所以食落更加有口感！雞肉唔會好散都幾滑，再沾埋個醬油蛋汁，超好味！饅魚炒飯，配料用上日本珍珠米、蛋、甘荀、紫菜絲、香蔥！饅魚都好多，每一啖都食到，飯粒有咬口又入味，唔好炒到好多油，完全不油膩！鹽燒prime牛小排，燒得剛剛好，入口肉質嫩滑又juicy !調味好夠味！呢度雖然係燒烤店，但係無乜油煙味，好值得一讚啊呢一點！