鮨生賢

Open Now

Now Closed

遲來的食評。我諗我成世人未食過出得咁慢嘅omakase。不斷拖拖拖嘅原因，除咗因為師傅得一個人之外，仲因為師傅全程一路要同熟客吹水。第一，好嘈，本身omakase地方已經好細，仲要一班人同埋師傅幾個鐘不斷大聲講大聲笑，仲要強逼其他食客聽曬佢地對話內容。我諗我真係唔好彩，撞正D熟客。第二，前面有食評提過，係衛生問題。個堆熟客撞師傅前面，全部不斷講野，有冇諗過人講野都會噴幾多口水出嚟，更何況係兩個鐘不斷講唔停？我真係好後悔食咗依間野，因為食完睇番先發現之前有幾個食評都係話依度好嘈，埋單成二千嘅環境，係完全冇平靜舒服嘅感覺，全程一直要忍受師傅、食客嘅大聲喧嘩、滋擾，心裡不斷好想快啲食完快啲走，偏偏一個午餐要拖足兩個幾鐘。師傅同客人打好關係，固然係生意之道，但店主有冇心站在食客角度去提供一個適合omakase嘅環境，我非常質疑依種態度。唔係你不斷拖時間拖到兩個幾鐘先食得完就叫Omakase。