同平時油尖旺區嘅泰菜感覺唔同
呢度有種令我想放低電話
同坐喺對面嘅人專心傾吓偈嘅感覺
如果想兩個人撐枱腳係個唔錯嘅選擇！
佢嘅menu有好多選擇仲有chef’s special
如果鍾意食黃金式煮法嘅唔好錯過鹹蛋魷魚
即叫即炸好辣口超邪惡係會食到一舊接一舊
每舊魷魚都沾滿晒鹹蛋黃，非常濃郁～
茄子肉碎魷魚沙律係開貴之選
加咗洋葱，葱，香茅等等唔同嘅香料
冇諗過茄子同呢啲配料係咁夾
炸豬肉條配咗泰式嘅辣椒醬～份量都唔少
眼闊肚窄想試唔同嘅嘢食，四個人食會好啲
另外仲揀咗個冬蔭功湯同冬蔭炒飯
個湯唔算辣不過香料十足！香茅同薑嘅味道好出
炒飯有少少茄醬味但加咗冬蔭嘅香辣味嘅西炒飯
海鮮比想像中嘅多，個炒飯仲有半熟炒蛋同肉鬆
整體嚟講都唔錯，可以話係精緻感重嘅泰國菜
加上佢嘅地板裝潢設計都好有特色
簡單一間小店可以營造到呢個小天地好特別！
第一次約會嘅話真係可以考慮吓呢度😆
