翠樂庭餐廳

Open Now

Now Closed

好耐無去翠樂庭。早在三日前訂咗個情人節白雪浪漫蛋糕。價值$350。個蛋糕指定是情人節限定。無理由唔買嚟食。先點咗個自由配搭午餐。我點咗個鮑魚素豬肉茄子。加埋個未來漢堡南瓜野菜咖哩。個餐包埋個甜品拼盤。附加點多杯香港港式奶茶。個餐要$288。附加奶茶只收$25。服務費加一，總價$729.3。鮑魚素豬肉茄子當中是素豬肉，即新豬肉。食落好似食真豬肉。茄子清甜。個鮑魚好彈牙。之後嚟個未來漢堡南瓜野菜咖哩。未來漢堡屬植物牛肉，又係素。但食落同食真牛肉無分別。食新豬同未來漢堡都是素食。對素食者是一個非常好的選擇。南瓜野菜咖哩温度適中。入口清新可口。食得出是上等食材。杯港式香滑奶茶真係沖到全港第一。有茶味，有奶味。温度適中。茶同奶比例正確。飲得出用上等茶葉沖出。可恨只得一杯，無得無限添飲。之後上埋個精選甜品。有三款造型好精緻既蛋糕。有迪士尼可愛造型也有中國風。三款甜品都造到有夾層水果。足料。壓軸就係我之前訂好咗個情人節白雪浪漫蛋糕。賣相滿分。個出餐紙可以印埋個名。大大個字寫明 Minnie。對方一定睇到。夾層有芒果肉。上層有草莓幕斯。造型好似個雪花坐墊附上心型標誌。我盯上這款蛋糕足足十分鐘。真係靚到