Read full review
2021-02-19
642 views
情人節好多大集團的buffet、餐廳……都一早full booking，所以在附近搵左間食西餐的小店，推出的情人節套餐都幾有驚喜，賣相吸引又好味，其實之前留意平日的set lunch都唔錯，所以今日黎試試先。套餐有餐湯、前菜、數款選擇的主菜、2款選擇的甜品，仲包2杯氣酒 $488/2松露蘑菇忌廉湯 伴 烤麵包好熱辣辣，飲完個人暖哂，好warm，松露味幾重幾香，個湯幾滑身，唔會好膩，仲有好多蘑菇碎，增加口感，配香脆牛油烤麵包片，味道好夾。炸魷魚由於當日客人好多，所以原本的蝦杯售罄，轉為魷魚，估唔到份量幾多，同埋用油炸，魷魚好嫩好爽彈，而且唔油。烤澳洲肉眼扒伴薯條,西蘭花,黑椒汁叫左3成熟，都做到肉質幾嫩，而且多肉汁，牛扒無筋好易切，而且都幾厚身，所以啖啖肉，黑椒汁唔會過濃，也不太辛辣。伴薯味較重的粗身薯條，如果再脆身d更好。蔬菜也新鮮爽脆。龍蝦蝦肉蕃茄意粉伴佛卡夏麵包意粉煮得剛好，有咬口又微彈牙爽身，掛滿濃郁微酸蕃茄醬，龍蝦已拆肉拌入意粉中，方便食到彈牙龍蝦肉同意粉，仲有2隻大蝦，肉質都好爽彈，最後用烤脆的麵包伴蕃茄醬食，好滿足。朱古力流心布丁 伴雪糕超級抵讚，朱古力味濃郁，蛋糕份量幾大
情人節好多大集團的buffet、餐廳……都一早full booking，所以在附近搵左間食西餐的小店，推出的情人節套餐都幾有驚喜，賣相吸引又好味，其實之前留意平日的set lunch都唔錯，所以今日黎試試先。
套餐有餐湯、前菜、數款選擇的主菜、2款選擇的甜品，仲包2杯氣酒 $488/2
松露蘑菇忌廉湯 伴 烤麵包
好熱辣辣，飲完個人暖哂，好warm，松露味幾重幾香，個湯幾滑身，唔會好膩，仲有好多蘑菇碎，增加口感，配香脆牛油烤麵包片，味道好夾。
炸魷魚
由於當日客人好多，所以原本的蝦杯售罄，轉為魷魚，估唔到份量幾多，同埋用油炸，魷魚好嫩好爽彈，而且唔油。
烤澳洲肉眼扒伴薯條,西蘭花,黑椒汁
叫左3成熟，都做到肉質幾嫩，而且多肉汁，牛扒無筋好易切，而且都幾厚身，所以啖啖肉，黑椒汁唔會過濃，也不太辛辣。伴薯味較重的粗身薯條，如果再脆身d更好。蔬菜也新鮮爽脆。
龍蝦蝦肉蕃茄意粉伴佛卡夏麵包
意粉煮得剛好，有咬口又微彈牙爽身，掛滿濃郁微酸蕃茄醬，龍蝦已拆肉拌入意粉中，方便食到彈牙龍蝦肉同意粉，仲有2隻大蝦，肉質都好爽彈，最後用烤脆的麵包伴蕃茄醬食，好滿足。
朱古力流心布丁 伴雪糕
超級抵讚，朱古力味濃郁，蛋糕份量幾大，切開鬆軟蛋糕，流出朱古力濃漿，伴雪糕食好正，一冷一熱，雪糕又可中和朱古力濃調的口感，而且流心效果很好。
草莓百露華蛋糕
比較少見的甜品，係用蛋白整成的脆餅，清新輕盈，口感獨特，伴酸甜清新的莓醬同cream，個人建議整碎蛋白餅為數塊，伴果醬同cream食，又靚又好味的甜品。
氣酒
套餐仲有氣酒，雖然係lunch time，但情人節點少的飲少少酒，又可以撞杯慶祝一下。杯氣酒微凍易入口，少酸甜帶細膩嘅氣，配前菜或甜品就一流。
Post
