Read full review
2023-03-11
3303 views
之前既週末去左西貢，發現WM酒店真係好靚，好有日本庭園酒店既感覺，行到個邊非常寧靜～同係碼頭既吵鬧比較完全係兩回事，大家去西貢既話，不妨都可以去睇睇～好啦，入返正題😂👇🏻WM咖啡廳位於WM酒店底下一層，係checkin大堂搵電梯落一層就到。咖啡廳環境寬敞，有落地窗邊位置，亦設有戶外位置。✨週末假日海鮮自助餐 成人$468一位🔸冷盤、生蠔冷盤有青口、翡翠螺及蝦，三樣都食得出幾新鮮，青口鮮甜，特別推介翡翠螺，入口爽身彈牙；自助餐既賣點當然唔少得生蠔啦～而哩到既生蠔帶海水味，質感較清爽～🔸魚生、壽司魚生有八爪魚、三文魚、吞拿魚及希靈魚，全部同樣新鮮，三文魚、吞拿魚質素唔錯，返兜左幾次，八爪魚亦爽彈，旁邊仲有幾款壽司，不過怕好快飽既我地就無食到啦🤣🔸熱食熱食方面，有烤澳洲西冷牛肉、德國蜜汁火腿、雞肉串燒、五花腩串燒、日式章魚丸、泰式烤牛肉、印度烤雞及日式天婦羅等～推介烤澳洲西冷牛肉，燒得剛剛好，肉質粉嫩；雞肉串燒、五花腩串燒味道亦唔錯；而天婦羅亦係岩岩炸起，夠曬熱辣辣～🔸主食主食有意大利燴飯、白菌素菜蕃茄汁意粉及即煮日式拉麵，我地就揀左一碗即煮日式拉麵share，配料就選擇左大大粒既帶子及大
WM咖啡廳位於WM酒店底下一層，係checkin大堂搵電梯落一層就到。咖啡廳環境寬敞，有落地窗邊位置，亦設有戶外位置。
✨週末假日海鮮自助餐 成人$468一位
🔸冷盤、生蠔
冷盤有青口、翡翠螺及蝦，三樣都食得出幾新鮮，青口鮮甜，特別推介翡翠螺，入口爽身彈牙；自助餐既賣點當然唔少得生蠔啦～而哩到既生蠔帶海水味，質感較清爽～
🔸魚生、壽司
魚生有八爪魚、三文魚、吞拿魚及希靈魚，全部同樣新鮮，三文魚、吞拿魚質素唔錯，返兜左幾次，八爪魚亦爽彈，旁邊仲有幾款壽司，不過怕好快飽既我地就無食到啦🤣
🔸熱食
熱食方面，有烤澳洲西冷牛肉、德國蜜汁火腿、雞肉串燒、五花腩串燒、日式章魚丸、泰式烤牛肉、印度烤雞及日式天婦羅等～
推介烤澳洲西冷牛肉，燒得剛剛好，肉質粉嫩；雞肉串燒、五花腩串燒味道亦唔錯；而天婦羅亦係岩岩炸起，夠曬熱辣辣～
🔸主食
主食有意大利燴飯、白菌素菜蕃茄汁意粉及即煮日式拉麵，我地就揀左一碗即煮日式拉麵share，配料就選擇左大大粒既帶子及大條蟹柳，拉麵入面仲有唔少配菜。
🥣湯
湯有南瓜甘筍湯及中式蕃茄薯仔湯。
🍰甜品
甜品方面種類都唔少，特別推介朱古力布朗尼、藍莓芝士蛋糕、葡撻同士多啤梨拿破崙，四樣都好食！而且旁邊既雪糕櫃仲有Häagen-Dazs，入面有幾款唔同口味可以選擇，我就揀左雲呢拿曲奇同朱古力🍫
整體黎講，咖啡廳環境寬敞舒適，食物都幾有質素，冷盤同魚生亦夠新鮮，去西貢想搵自助餐食既話，都不妨可以試下～
Post
