Jam Bakery (Closed)

星期日..一個人遊咗入大坑其實我好鐘意大坑呢個地方，旺中帶靜行行吓有啲攰，素聞JAM Bakery係好好味又健康嘅蛋糕店..而且又睇過店主嘅教學書..就入嚟試吓啦..其實仲有諗住如果佢啲蛋糕好味，就帶男朋友嚟學整(佢都係鐘意靜嘢食嘅人)啦行到入嚟，見到個大蛋糕櫃，已經滿心歡喜雖然佢哋隻隻蛋糕都好靚同我揮手，但係我係伯爵茶迷，所以一見到Earl Grey已經毫不猶疑地指住佢有Earl Grey都唔會衰得去邊啩～真係冇令我失望～一食已經由心度笑出嚟有冇咁好食呀!!好香茶香，又唔會太膩creme brulee底同earl grey creme面中間都有層sponge cake隔一隔..層次做得好好唯一係上面兩片古古力味道太搶..個人覺得多咗，otherwise呢件係一件好cake!結論係決定捉男朋友同我一齊嚟整呢個蛋糕!