桂花小幸 (將軍澳廣場)

Open Now

Now Closed

桂花小幸一直係一間我好鍾意嘅台灣菜，價錢實惠得來味道又真係唔錯。今日同朋友就去咗食，我叫咗清燉牛肉麵紅燒湯底。面嘅質地好彈牙，牛肉好淋有牛味，配埋紅燒湯就係經典嘅牛肉麵。朋友食咗鹽酥雞扒配雞肉飯，鹽酥雞扒炸得好香口，又有鹹香，而雞肉飯呢就一啲都唔會柴，食落唔輸滷肉飯㗎。餐廳除咗鹹食，仲有一啲經典嘅台式甜品，今次食咗紫薯珍珠黑糖冰仙草，呢個甜品嘅賣相都幾特別，黑糖冰有特別擺喺甜品嘅面，啲紫薯都好香濃，而珍珠仙草呢啲都一直咁好味。飲品方面我就嗌左芝士奶蓋白桃烏龍茶加珍珠，白桃嘅味好夾烏龍茶，而珍珠又唔會太淋太硬，加埋奶蓋飲落好豐富。