校長燒肉日韓料理 (西裕街)

Open Now

Now Closed

校長燒肉呢個名聽咗好耐，周不時都見有promotion，不過元朗咁遠好少過嚟，今日就有機會嚟食一餐啦！去到門口先俾佢嘅裝修吸引左，竟然有一大個Iron Man公仔，小朋友見到好開心即刻影相。行樓梯上一層就係用餐區，一路行已經見到啲食物款式真係超級多，我諗幾百款都有。雖然我哋揀嘅餐係包燒肉、火鍋和刺身三樣嘢，不過我哋主力都係食燒肉，刺身淺嘗，火鍋我都係主力要來淥菜。燒肉來講，我推薦食呢個牛冧肉，薄薄地好快熟，而且真係好腍，好味。另外雞翼有幾種味道，都係好好味！仲有漢堡扒同雞軟骨都係我哋嘅最愛之一。除咗燒肉，其他小食都好唔錯，溫泉蛋我哋食咗好多隻，另外碗仔翅都唔差，但一定要試呢個人蔘雞湯，好濃味又夠足料，飲過返尋味。呢度地方相當大，而服務都唔錯，有侍應主動嚟幫我地換走燒爐上嘅紙，以呢個價錢有咁嘅食物質素和用餐體驗，真心性價比超高，我會再來的。