新泰東南亞餐廳

Open Now

Now Closed

呢間泰國菜成日行過，今晚終於去試吓啦，一入門口佢個裝修就好似去左泰國咁，有架Tuk Tuk。落咗條樓梯先知原來餐廳都幾大，仲有啲房，如果一班人食飯私隱度都幾好。睇睇Menu有好多唔同種類的泰菜選擇。冬蔭功（小）唔好睇少呢個小的份量，都好足料，有兩隻大蝦，好多菇，佢個酸辣度剛好，好平衡，唔會互相搶味。燒豬頸肉燒得好香，肥瘦適中，點埋個有少少辣的醬汁真係好開胃。燒牛柳沙律呢度的牛柳俾得一啲都唔吝嗇，好多塊，少少半生熟兼好juicy，配料又西芹，洋蔥，蒽，青瓜，個汁真係有啲辣，但辣得黎好惹味，如果唔係好食得辣的，建議叫少辣。泰式蝦炒金邊粉用蛋包住金邊粉，整得好靚，入面有三隻蝦，金邊粉炒得好有鑊氣，而且份量都唔少。番石榴沙冰飲得到番石榴果肉粒，好真材實料，好refresh。椰青沙冰用一整個椰青裝住沙冰，都係飲到啲椰子肉，又唔係死甜，飲得到佢個真材實料，夏天飲真係好透心涼。呢度的野食飲品性價比真係好高呀，以尖沙咀地段黎講一啲都唔貴。