家常麵 (Closed)

上星期收工去食家常麵，好在趕得切5:30前到。本來想叫芹菜餃子，可惜賣哂，唯有叫咗一份白菜肉餃同埋擔擔麵。餃子皮薄得黎又滑，又唔會穿。餃子餡份量適中，真係性價比高既餃子。最欣賞係店主的自家製秘製醬汁！酸酸辣辣，好開胃～擔擔麵個麵底都好滑，唔會太淋又唔會太硬。湯底都唔錯，真係值得一試。竟然可以係觀塘工廈食到平靚正既一餐，真係好難得。最後都忍唔住買咗一打餃子返屋企得閒既時候可以煮黎食！咁正既餃子一定會再幫襯，希望下次食到芹菜餃。