滿屋放題每人二百幾蚊加一，算係幾抵食，入面仲有其他放題無嘅爆谷棉花糖。今日就無放題少見的朱古力噴泉，可能係衛生問題所以唔做。
嘢飲種類繁多，有好多韓國嘅嘢飲，不同款嘅汽水（沙士都有🥰🥰），唔同嘅酒類（桃味，梅酒清酒都有），仲有茶包茶等等！
甜品款式較少 只有兩個雪櫃，味道正常，生果就勁甜勁好食。
出面仲有熱嘢、冷盤海鮮同沙律等等，款式都多同齊♥️仲有中湯西湯各一款。
嘢食方面，放題應有嘅刺身、壽司、炸物、串燒、鍋物全部都齊全。
刺身同壽司新鮮，而且有新意，今次有柚子味嘅壽司。
串燒叫咗菠蘿、蝦同牛舌，佢地仲有燒香蕉，不過口感同賣相一般。菠蘿甚佳。推薦叫多幾round牛舌，有厚度又燒得岩岩好。
另外叫咗牛油粟米，咖哩炒蟹，芝士雞亦等等。各樣食物嘅質素都好好。特別推薦芝士雞亦，咬落去一啖肉加勁多芝士嘅口感，超正。
我地仲有食鍋物，例如蜆，蟹粥等等。
尼間放題食物質素佳且價錢適中，環境亦闊落，絕對會再食
