Manya Japanese Restaurant (Zone C, Tai Po Mega Mall)

成日都想心思思食日式放題，近近地去大埔區滿屋日本料理。A餐都有成72種食品選擇，有齊刺身、壽司、串燒、天婦羅、炸物，眼花撩亂～

刺身有甜蝦、帶子、三文魚、吞拿魚、油甘魚、赤貝、北寄貝、希靈魚等等，每一款都好新鮮！赤蝦仲好大隻～

壽司有鵝肝壽司，焦糖鵝肝外脆內軟，同埋海膽手卷海膽鮮甜，紫菜夠脆口😍特別推介蝦蝦吞拿魚他他杯，鮮味吞拿魚蓉及甜蝦💗仲有最愛花之戀，新鮮三文魚刺身及蟹籽。

燒紐西蘭羊鞍燒得夠香，黑椒味夠濃郁，羊味濃。燒牛舌好香剛剛好，雞軟骨燒到卜卜脆。

馬來西亞烤榴槤，榴槤味道夠香濃，每一粒都燒到適中，有驚喜！雪糕蛋糕🍰Haagen Dazs任食！汽水、果汁、清酒、梅酒任飲，完美作結。