🦀 醬油蟹
必試蟹乸！蟹膏豐腴飽滿，入口甘香濃郁，完全無腥味。醬油醃得恰到好處，鹹中帶甜，更能帶出蟹膏的鮮美。之後再加點蟹公，雖然膏量較少，但肉質鮮甜結實，啖啖肉非常滿足。兩款交替住食，口感同味道都更有層次。
🍚 經典食法：蟹蓋撈飯
一定要試吓將熱辣辣嘅白飯同紫菜倒入蟹蓋，同蟹膏同醬油汁撈勻。每粒飯都吸滿醬油同蟹膏嘅精華，鹹香鮮甜交融，真係一試難忘！
🍖 排骨湯
湯底清甜濃郁，排骨煮得軟腍入味，幾乎一啖就脫骨。
🍗 韓式炸雞
外皮炸得金黃香脆，內裡肉汁豐富，醬汁甜辣適中，非常開胃。即叫即炸，熱辣辣食特別滋味。
🍢 年糕腸仔串
年糕軟糯煙韌，腸仔鹹香彈牙，表面掃上微甜醬汁，口感同味道都配搭得剛剛好，食完一串又想再encore！
🍚 紫菜飯 + 罐裝飲品
紫菜飯清香爽口，可以用嚟配醬油蟹或者撈湯食。飲品選擇多，有汽水、茶類等，方便搭配不同食物。
