Read full review
2021-04-11
6340 views
{性價比極高！}#kong_girl_foodie出街食#校長燒肉.我食7.15個場，門口一早已經有好多人等緊排隊，攞咗飛之後全部人同一時間可以入場，員工處理速度好快，而且好有禮貌，入到去成個場都好乾淨衛生，第一印象唔錯！.❣️熟食區熟食區選擇都幾多，有蒜蓉包，炸香蕉糕，炸薯角，四五款菜，蒸魚等等！每款都幾好食，但係唔夠熱！加上餐廳比較大風，所以啲嘢食好快凍！.❣️生肉區畫面超級震撼，有成40款你揀，每種肉類都有幾款味道，有咖喱味，韓式味。千祈唔好眼闊肚窄攞太多，因為仲有得打邊爐！.❣️壽司區壽司區唔算太大，但普遍嘅刺身都有，三文魚吞拿魚八爪魚味道都唔錯！.❣️冷盤區有蟹腳，青口等等， 呢個價位有得食凍海鮮都算唔錯！除咗海鮮仲有少少冷盤，例如中華沙律等等！.❣️打邊爐區有烏冬，拉麵，生菜，油麥菜，豆腐卜等等！我仲會攞凍肉區嘅肥牛攞嚟打邊爐添！而且都有調味區，令我最驚喜嘅就係有日式芝麻醬，係好食嗰隻，好多打邊爐餐廳就算貴價嘅都唔會有呢隻！.📝總結我係食七點半嗰場$218未加一！就算食最貴嗰個時段都覺得性價比超高，同一時間滿足你好多個願望，又有刺身又有海鮮，又有得燒肉同打邊爐！(
#kong_girl_foodie出街食
#校長燒肉
.
我食7.15個場，門口一早已經有好多人等緊排隊，攞咗飛之後全部人同一時間可以入場，員工處理速度好快，而且好有禮貌，入到去成個場都好乾淨衛生，第一印象唔錯！
.
❣️熟食區
熟食區選擇都幾多，有蒜蓉包，炸香蕉糕，炸薯角，四五款菜，蒸魚等等！每款都幾好食，但係唔夠熱！加上餐廳比較大風，所以啲嘢食好快凍！
.
❣️生肉區
畫面超級震撼，有成40款你揀，每種肉類都有幾款味道，有咖喱味，韓式味。千祈唔好眼闊肚窄攞太多，因為仲有得打邊爐！
.
❣️壽司區
壽司區唔算太大，但普遍嘅刺身都有，三文魚吞拿魚八爪魚味道都唔錯！
.
❣️冷盤區
有蟹腳，青口等等， 呢個價位有得食凍海鮮都算唔錯！除咗海鮮仲有少少冷盤，例如中華沙律等等！
.
❣️打邊爐區
有烏冬，拉麵，生菜，油麥菜，豆腐卜等等！我仲會攞凍肉區嘅肥牛攞嚟打邊爐添！而且都有調味區，令我最驚喜嘅就係有日式芝麻醬，係好食嗰隻，好多打邊爐餐廳就算貴價嘅都唔會有呢隻！
.
📝總結
我係食七點半嗰場$218未加一！就算食最貴嗰個時段都覺得性價比超高，同一時間滿足你好多個願望，又有刺身又有海鮮，又有得燒肉同打邊爐！(っ◕‿◕)っ
.
❣️食完俾分時間❣️
🌟食物: 8/10
🌟環境: 8/10
🌟服務: 8/10
🌟打卡: 8/10
🌟推介: 8/10
.
📍 校長燒肉日韓料理
大埔安泰路1號大埔廣場地下6號舖
#香港 #香港美食 #美食分享 #香港吃貨 #hkfoodie #hkfood #hongkong #hkig #大埔美食 #大埔
Post
