7點半到一鍋豐，超級多人！好彩預先訂左位，完全唔使等就即刻入得，抵讚！雖然人多但係服務依然好好速度又快。
首先叫左個最平嘅刺身火鍋套餐，盛惠$188/人，基本火鍋配料同刺身任叫。
首先前菜就當然係食左一輪刺身先啦！
［必點推介］
三文魚、赤貝、榮螺片、八爪魚
跟住一叫湯底交左食物表唔使幾分鐘野食就上曬啦！速度滿分！！今次一共食左兩輪，幾乎全部嘅野食都好高質值得推薦，特別要講講個鍋底。
套餐附送嘅鍋底一共十個，選擇好多差d揀唔落手，最後清清地揀左椰子雞鍋，一開蓋好濃烈嘅椰子味就湧出黎，不錯嘅選擇！
**溫馨提示：記得煲左一排要夾走鍋底雞件，避免一直雞皮一直飆油影響湯底。
作為成日打邊爐嘅吃貨，食物黎齊之後當然有落鍋嘅先後次序！
［必點推介］
（排名有分先後次序！）
蔬菜類：蘿蔔件、響鈴、芋絲、白菜仔、油麥菜、茶樹菇。肉類：黑豚腩片、手切肥牛丸類：手打墨魚丸、手打蝦丸、芝士丸、蟹子丸、龍蝦丸、黑椒牛丸、海膽丸、芝士雙響丸、墨汁墨魚丸其他：花膠、白牛栢葉、魚皮餃❌不推介豆卜，口感太膠、煮好耐都唔軟唔入味，而且豆味唔香。
❌不推介羊片，羊肉嘅騷味幾重，煮完連湯底都騷左。
識食兩輪之後當然係時候食蘿蔔件，煮左兩個幾鐘嘅蘿蔔好軟好入味，入口即溶香濃嘅椰子雞湯地係蘿蔔入面爆出黎！完美嘅火鍋終結。
最後當然係勝利的甜品。
自己唧嘅雲呢拿雪糕口感比較似froyo，另有滿滿少女心嘅配料任加！
彩色粒粒、棉花糖、榛子片、橙色爆珠
結果啱啱好兩個半鐘內食曬！十點鐘飽一飽咁捧住肚走，見到呢個時候居然都仲有人排緊隊就知呢間真係無揀錯！！
下次都同班fd一齊黎再食過先🤤
