原來主菜半價只限肉類嘅主菜，意粉、飯果D唔計…😑
先嚟個
炸物拼盤 $180任揀四款
佢一上枱我就知嗱野😑連埋加一共$200得咁少?!
洋蔥圈6件、芝士條3條、炸魚1件、魷魚6-7條仔。老老實實，呢D入貨唔係好貴咋喎，會唔會太過份?!🙄
四款炸物都熱嘅，味道正常，跟左三個醬，其中芥苿果款醬比較有記憶點。
前菜青口蜆$158
嘩!!! 好少囉😥呢間睇圖片就靚，但建議大家點之前順便數埋張圖，因為佢真係如圖所示，青口得9-10隻，仲要細細粒、又唔滑、又唔新鮮；
蜆就飽滿D，可能都有10隻卦😂似係用無水煮海鮮嘅方法整，食番海鮮本身個鹹味，車厘茄、蒜片只係裝飾，但呢個價錢食呢碟咁嘅野，我個心好痛囉😭
黑松露雜菌燴意大利飯$128
呢個同平時西餐食到果D差唔多味道，但份量再少D。
炭燒加拿大有骨豬鞍扒$114 (呢個半價優惠，原價$228)
豬比牛好味，食得到焦香，加上夠厚，食落有肉汁，半價可以試。
炭燒美國1855黑安格斯肉眼扒$358 (七成熟)
呢塊扒好令人失望，牛味好弱，弱到唔睇番Menu會以為自己食緊NZ牛扒，完全唔似Black Angus!!😞
牛扒肉質又唔掂，好多筋、好韌、好難咬，朋友食到一半已經放棄。😩
唯一讚嘅係，職員會點枝好特別嘅蠟燭，送上蛋糕果陣又會唱生日歌，有少少氣氛咁囉。全餐最好味就係呢個我地自己買嘅蛋糕😅注意餐廳另收現金切餅費$100，請自備現金。
餐廳有分戶外同戶內，店內燈飾好暗，中意嘅人會話有情調，唔中意嘅人就會嫌太暗(我地係後者)。
職員服務算OK，都肯幫手換左張爛櫈；但食物價錢貴、又細份、味道一般，性價比極低。原來有負評講過性價比好低，係自己衰無睇到，以後搵餐廳要先睇負評。
