蒸蒸日上倫哥私房菜 (Closed)

屋企同樂日夜晚揀左太子既倫哥食餐正既，上網啲評價兼呀媽係咁讚，真係咁正？入到餐廳，枱迫左小小，坐得好密密麻麻下，我地三人坐左上二樓，好在通風系統都幾好，坐得都ok可以自己攞汽水戓者試下佢地既五花茶，強烈推介咁一坐低就比醬料先，加兩個小前菜，有四季豆同木耳，都幾好當開胃菜。之後上左個燉雞湯，好好飲好清，可惜無得encore 。職員都好好見一飲完二話不説上左個雞煲比我地，仲每兩分鐘幫我地搞一搞，等左十分鐘就食得。個雞，味道有，有麻味有底味，不過我覺得比較骨多就肉小另外食雞煲果時一定要落埋佢會送黎既魷魚同豬皮！好入味架食完到打邊爐，我地揀左唔洗加錢既蟹湯底，有原隻蟹同粟米等湯料。滾起了就送上壓軸既海鮮主打，螺，蜆，鮑魚，魚同魷魚等等，佢第一round咩都比你試，之後大部份野比你再追加。無咩好講，樣樣海鮮都新鮮，鮮甜，唔需要豉油去點。另外仲有菜呀丸同餃子既比你點。我個人就覺得佢地貢丸同蜆最正，其他都算有水凖