大埔超級城嘅滿屋日本料理
食lunch 放題套餐A (77品)，
真是一個字：正！😍 由刺身到甜品，
每樣都好驚喜，
絕對係日式放題粉絲嘅必試之選！
性價比極高 248 食三個鐘
好多食物嘅選擇😍😍😍😍
🍣 刺身同壽司：刺身新鮮到不得了，
三文魚同海膽入口即化，超鮮甜！
佢啲帶子、馬刀貝、油甘魚都相當出色❤️
鹽燒左口魚壽司一定要食！
🍤 炸物同燒物：炸蝦天婦羅外脆內嫩，蝦肉彈牙,配埋任飲清酒同梅酒，爽到飛起！🍶
我自己啪咗好多雞軟骨🤣
🍫 甜品驚喜：
朱古力噴泉同棉花糖機真是一個大bonus！
食完正餐仲可以玩住食，超開心！😋
餐廳環境好有日式feel，木質裝潢加柔和燈光，坐得舒服。服務員好有禮，隨時幫手補充食物同飲品，服務滿分！💯
總括嚟講，滿屋日本料理嘅放題質素高、選擇多，性價比超值！同朋友一齊食，氣氛同味道都滿分，強烈推介！⭐ 下次一定再黎！
