八方雲集鍋貼水餃專門店 (Closed)

呢間嘢唔洗介紹，大家都識。今日因為趕住要去旺角花墟買花，所以要速食。唔想成日食麥記類嘅自杀式快餐，就揀咗呢度。八方雲集嘅速度絶對不比麥記遜色，落咗order 後，10分鐘就開始上桌，先來粟米湯。味道一般般而且不夠熱，但跟餐叫連10隻餃子都係$38，所以期望不大。韓式泡菜餃子同韮菜鍋貼中規中距。第一次品嘗呢度嘅牛肉麵，出其地好食，牛肉又多又大件，而且煮得入味又夠腍，湯底濃郁，麵條煙韌。又多一個快餐好選擇。