Read full review
2017-07-21
8948 views
連續兩天來灣仔上課，昨天去咗春園街一間外賣壽司店食鰻魚炒飯，今日就決定忙裡偷閒、拉埋老公來這間具歐陸時尚風格的 Espuma 開餐。其實位於 QRE Plaza 25 樓嘅 Espuma，已經唔係第一次到訪，所以對店裡的環境，一點也不陌生。特意選了一張靠窗的梳化卡座，景觀遼闊開揚，加上以日光作天然照明，感覺舒服又寫意。午餐唔想食得太過 Heavy，決定只點個 Pizza，再加多款主菜，應該足夠，一於留肚吃甜品。揀咗客燒烤風味雜肉腸薄餅 ($98)，Pizza 以木砧板盛著上桌，餅底非常之薄，拿起一塊細看，餅邊應該不超過一厘米，而材料方面，貴精不貴多，有意大利肉腸、甜椒、洋蔥及蘑菇等。肉腸先炒香才放在餅上焗，餅邊入口香脆如餅乾，咬落卜卜聲，配上鋪滿蕃茄醬的餅底，簡單而美味。主菜選了烤風乾蕃茄及菠菜釀豬柳卷配蘋果蓉 ($158)，豬柳先切成薄片，然後釀入已剁碎的風乾蕃茄和菠菜，捲起後煎至外表金黃再烤焗。豬柳入口有豬肉濃香，口感豐富，沾上墊底的蘋果蓉吃，味道酸酸甜甜，既清新又不油膩。甜品揀了這款新推出嘅棉棉夏日 ($78)，芭菲造型非常搶眼，尤其是頂頭的棉花糖，形態宛如七彩繽紛的雲朵，給人夢
連續兩天來灣仔上課，昨天去咗春園街一間外賣壽司店食鰻魚炒飯，今日就決定忙裡偷閒、拉埋老公來這間具歐陸時尚風格的 Espuma 開餐。其實位於 QRE Plaza 25 樓嘅 Espuma，已經唔係第一次到訪，所以對店裡的環境，一點也不陌生。特意選了一張靠窗的梳化卡座，景觀遼闊開揚，加上以日光作天然照明，感覺舒服又寫意。
午餐唔想食得太過 Heavy，決定只點個 Pizza，再加多款主菜，應該足夠，一於留肚吃甜品。揀咗客燒烤風味雜肉腸薄餅 ($98)，Pizza 以木砧板盛著上桌，餅底非常之薄，拿起一塊細看，餅邊應該不超過一厘米，而材料方面，貴精不貴多，有意大利肉腸、甜椒、洋蔥及蘑菇等。肉腸先炒香才放在餅上焗，餅邊入口香脆如餅乾，咬落卜卜聲，配上鋪滿蕃茄醬的餅底，簡單而美味。
主菜選了烤風乾蕃茄及菠菜釀豬柳卷配蘋果蓉 ($158)，豬柳先切成薄片，然後釀入已剁碎的風乾蕃茄和菠菜，捲起後煎至外表金黃再烤焗。豬柳入口有豬肉濃香，口感豐富，沾上墊底的蘋果蓉吃，味道酸酸甜甜，既清新又不油膩。
甜品揀了這款新推出嘅棉棉夏日 ($78)，芭菲造型非常搶眼，尤其是頂頭的棉花糖，形態宛如七彩繽紛的雲朵，給人夢幻感覺。立即試試，棉花糖質地雖然唔算很柔軟，但味道甜香。至於芭菲就以雪糕、粟米片、乳酪、啫喱、草莓及草莓醬等炮制而成，用料非常豐富。尤其喜愛頂頭嘅雜莓雪糕，幼滑細緻、清香酸甜，加上脆卜卜的粟米片和滑嘟嘟的啫喱，甜而不膩，愈吃愈開心。
至於另一款甜品就揀咗西班牙油條配雪糕 ($68)，甜版油炸鬼捲成雀巢形狀，入面放咗一球雪糕，賣相精緻可愛。一嘗，Churros 炸得有點硬實，欠了外脆內綿的口感，幸好甜度適中，配上甜美的吉士醬和幼滑香甜的雪糕，食味亦算不俗。
飲品方面，原來餐廳近日推出咗一系列 Summer Drink，款款看起來都很吸引，真想全部試勻。心大心細，不知如何選擇，老公提議我試試這杯草莓椰子沙冰，原來飲品名字跟我心情一樣，心大心細 ($45)。沙冰呈淺粉紅，色澤鮮艷，是影相呃 like 的好選擇。馬上啜一口，味道天然，融合了滿載夏日熱情的椰子和草莓的甜香，口感、味道皆豐富。至於老公選的熱血青年 ($45)，味道亦令人超驚喜，原來這杯是柑橘荔枝沙冰，入口帶柑橘的酸香和荔枝的清甜，愈喝愈開胃。聽說餐廳還推出了多款清新夏日沙律，可惜只於星期五至日供應，要找天來試試看。
Post
