原來貝澳係有巴士直達大角咀, 不過都坐左成個鐘!
我地有訂枱, 但因為有人甩底, 張枱太大, 結果我地就等房, 好正, 房得一張枱, 8-10個人岩岩好, 唔會話太迫
我地摸左好多蜆, 隻隻都半隻手板度大小, 拎左去加工!
因為消耗既體力太多, 所以一坐低就拿拿聲叫野食!!!
先試左個
沙薑雞腳, 而家真係唔多地方有得食, 多數都係呢D舊式D既大排檔先有. 味道唔算係超好味, 原因係因為將沙薑隻碗太細, D雞腳太大, 點到既沙薑唔欠. 但屬唔差既小食 
生炒骨, 其實大排檔好多時都會食生炒骨, 我自己本身唔太好, 因為怕酸, 但都試左舊, 好熱好香, 個汁唔算太酸
1
椒鹽九肚魚, 食落好嫩滑, 勁辣口! 正
1
椒鹽墨魚嘴, 我最期待既椒鹽墨魚嘴呀!!! 真係估唔到咁大粒, 食落仲驚喜, 入面好熱, 食咬落去D汁吱晒出黎, 點埋個"GIP"汁真係一流!!!! 最後都ENCORE多一碟!!!! 
1
霸皇雞, 雞肉算滑, 但味道唔夠, 可以濃味D
金銀蛋莧菜, 平時食金銀蛋莧菜多算都冇咩味, 但呢個食落個味幾好, 唔會話好淡, 應該係個湯, 加埋個蛋好香
1
當然到我地既辛勞一日返黎既結晶品: 蜆!
先上既係
豉椒炒蜆, 之後係 蒜蓉粉絲蒸蜆, 雖然係自來, 不過佢地加工錢唔係收我地好多, 我地前前後後食左6碟蜆, 只係收左我地300幾蚊既加工費, 真係見到佢幫我地逐隻逐隻擦到超乾淨, 搞到我地都勁唔好意思!!!
豉椒炒蜆好入味, 因為D蜆都好重下, 好多大排檔都唔肯炒, 超正!!
蒜蓉粉絲蒸蜆, 超正!!!! D蒜蓉粉絲勁香!!!!! D蜆大大隻好似扇貝咁!!!! 又蒸得唔過火!! 岩岩好!! 好好味!!!
因為唔夠飽, 另外再叫左3樣野
黑椒牛仔骨, 味道好濃好惹味, 份量亦算好
1
蒜子火腩大鱔煲, 我好鐘意食鱔, 佢炆到超香, 就咁諗你會覺得火腩同鱔唔係好夾, 原來都幾夾幾好味, 個汁既味道好似D炆斑球既汁咁, 撈飯都好正! 
2
薑蔥牛拍葉, 其實第係第一次咁食牛拍葉, 感覺幾特別, 略嫌唔夠味, 薑蔥如果可以煮耐D就好D
2
講真, 真係冇諗過佢D野有咁既水準, 但講清楚, 係大排檔好味既水準, 而唔係高檔中餐既水準, D野好有鑊氣好惹味! 重點係, 一D都唔貴!!!! 我地7大1細食, 唔計蜆食左9碟野, 計埋蜆食左15碟野, 仲飲埋藍妹, 講緊係一人都係200蚊度, 6碟蜆加工只係收左我地360蚊, 即係只係60蚊碟!!!
一定會返黎再食!!!!
