龍圖閣海鮮飯店

Open Now

Now Closed

今次同朋友去咗尖沙咀嘅龍圖閣海鮮飯店試菜，果然冇失望！一坐低就嗌咗碟話梅涼瓜開胃，涼瓜爽脆冇苦澀味，話梅嘅酸甜完全滲入去，食落好醒神，夏天必點！ 跟住上枱嘅係黃金魚皮，炸得超脆口，鹹蛋黃香濃到爆，一啲都唔油膩，送啤酒真係一流！牛油焗花甲都OK，分量唔多，但花甲鮮甜冇沙，帶小小黑椒同蒜香味！ 主菜試咗中式牛柳，肉質鬆化得嚟唔會太淋，個酸甜汁好惹味，配埋洋蔥絲好夾，撈飯一流。最後嗌咗冰鎮咕嚕肉，外皮冰涼脆口，入面熱辣辣，酸甜汁平衡得啱啱好，呢個做法真係有驚喜！ 最後仲有個腐竹薏米糖水送，完美作結！