🧡點選了「花雕日本薩摩雞藥膳鍋」，藥膳湯底香氣濃郁，啖啖藥材味足料又養生，秋冬食更加滋補。另外一定要食埋藥膳煲熬嘅日本薩摩雞，雞肉吸收了湯底精華，而且依然嫩滑。
💛放題套餐配有特上霜降小排、牛小排、上肩胛肉、肩胛梅花、牛前胸、玉子後腰肉、牛頸脊同千本筋，另外仲有4款佐賀名水豚，同手打海鮮丸。 「黑樺牛」果然名不虛傳，牛肉油花細緻均勻，輕輕一過湯底即食，牛肉質料香軟細膩，肉味香濃，油香回甘。特別鍾意特上霜降小排，入口即溶嘅感覺太幸福了！
💚除此以外其他配料都相當吸引，佐賀名水豚又軟又淋，肉質鬆香；鮮滑名副其實鮮味爽滑；大大粒手工牛肉餃，多餡多汁；仲有大熱台灣鴨血，吸收咗藥膳湯底更加好食。熟食方面，推介椒鹽牡丹蝦，香口惹味又鮮甜！
💙另外仲可以追加海鮮，有日本直送生蠔，北海道大元貝同新鮮大蝦，加上日式清酒，點火蒸焗，十分鐘就食得，鮮甜美味。
💜飲品都超有heart～椰香蜜瓜，楊枝甘露，巨峰乳酸沙冰，樣樣都超吸引。仲有雪糕甜品，超級滿足，食足兩小時！
