滷川長 (沙田廣場) (Closed)

呢日，心血來潮想食口水雞！！依家冇晚市食，夜晚又唔想自己煮，惟有周圍搵吓有冇嘢可以買返屋企食。呢間有售各式各樣嘅即開即食滷味、麻辣菜式同各式醬汁嘅鋪，可能係一個好選擇。選了以上四款😋 口水雞半隻 $68啖啖肉嘅口水雞，味道與賣相都同出面餐廳整嘅差唔遠，麻辣口水汁夠晒惹味，味道唔會好咸，雞肉都夠滑。最推薦呢道。健美牛肚 $45老豆鐘意食嘅牛肚，夠晒入味，有少少藥材味同五香八角味。麻辣牛筋腩 $58呢個嗰麻辣醬汁都好好味，牛腩同牛筋一啖一舊。活力雞中翼 $38五隻雞翼大大隻，都幾入味，不過肉質就冇口水雞咁滑。