今次行到嚟上環, 又諗起呢間永樂餃子店, 點解諗起佢? 因為佢個湯好飲囉~ 花膠淮山豬骨湯喎, 咁多骨膠原, 飲完都即刻靚咗啦~
我都係照舊叫外賣, 買返去慢慢嘆~ 我今次叫咗海鮮餃, 淨餃有8 隻, 大大隻, 一定夠飽~ order 完響門口等一陣就有得拎, 老細仲特登拎出嚟俾我, 係咁講要我等, 唔好意思, 仲話豆瓣醬都放埋響入面.... 我心諗, 我都唔係等咗好耐之嘛, 我鋪機都仲未打完, 佢真係好有禮貌~ 小店就係呢樣好, 做街坊生意多, 有人情味d~
返到去都仲熱辣辣, 真係pack 得好好, 我咁拎法, 一d 都冇倒瀉, 仲可以原汁原味咁飲晒d 湯~ 正呀!!
佢個海鮮餃一咬開就已經好香口, 有好香既芹菜味, 有蝦肉, 超大隻, 好食又抵食~ 
下次再試埋佢其他既餃先~
