Read full review
2019-02-24
980 views
呢間由細到大，由討厭到欣賞既一間，亦係由我有意識以來，我應該係飲得最多既一間酒樓(因為我老豆日日去，仲要早茶，中午都去，我放暑假就多數跟老豆"返工"，所以一定係最多XD 所以可以既話我會跟其他人去食第二樣)細細個係跟老豆，避飛劍，好似真係有人攞住籠雀... 我細個去既唔係呢一間，而係係對面，綠色牆身，有上下兩層... 我地一定係去樓上既(好似仲有一層，但唔多肯定) 呢間既印象就多好多啦!今日去有幾位都見過，我大個左唔跟老豆自然唔會有人認得! 以前搵唔到位，老豆塞張"青蟹"好快就有位，有時仲要分開坐住先... 推車仔唔洗出去搶...話哂今日係最後一個星期日(但聽聞會改名再續)，人多就預左... 應該話一次比一次多，由以前既阿伯到lunch見到白領，再去到見日本旅客同鬼佬，又見翻香港人... 其實感覺都幾特別... 我諗都冇咩人會同我一樣，我印象中無咩同齡既人，所以我既情意結應該比大家重...今日我懶瞓，遲左食唔到已經好少有既蒸蘿蔔糕，馬拉糕， 鵪鶉蛋燒賣，乾蒸牛肉等... 今日見到人一窩蜂去搶野食都真係幾得意... 之前最多係廚房門攞，但今日見係繡癲... 去蓮香其實最緊要係盅茶! 所以
細細個係跟老豆，避飛劍，好似真係有人攞住籠雀... 我細個去既唔係呢一間，而係係對面，綠色牆身，有上下兩層... 我地一定係去樓上既(好似仲有一層，但唔多肯定)
呢間既印象就多好多啦!
今日去有幾位都見過，我大個左唔跟老豆自然唔會有人認得! 以前搵唔到位，老豆塞張"青蟹"好快就有位，有時仲要分開坐住先... 推車仔唔洗出去搶...
話哂今日係最後一個星期日(但聽聞會改名再續)，人多就預左... 應該話一次比一次多，由以前既阿伯到lunch見到白領，再去到見日本旅客同鬼佬，又見翻香港人... 其實感覺都幾特別... 我諗都冇咩人會同我一樣，我印象中無咩同齡既人，所以我既情意結應該比大家重...
今日我懶瞓，遲左食唔到已經好少有既蒸蘿蔔糕，馬拉糕， 鵪鶉蛋燒賣，乾蒸牛肉等...
今日見到人一窩蜂去搶野食都真係幾得意... 之前最多係廚房門攞，但今日見係繡癲...
去蓮香其實最緊要係盅茶! 所以我老豆每次回來都要去飲，我亦因為佢既關係只飲濃普洱，大家講既可樂... 其他人見我既反應同無倒到成枱水都覺得好神奇，成為左我地個枱"訪問"既焦點，搞到我好似上左年紀既阿伯想當年XD
其實去食風味都係值既，香港仲有邊到會咁? 推車仔仲有既，但咁搭枱仲要成枱人會搭咀吹水既...
普洱茶
162 views
0 likes
0 comments
叉燒腸
87 views
0 likes
0 comments
棉花雞
69 views
0 likes
0 comments
糯米雞
67 views
0 likes
0 comments
咖哩牛筋魷魚
79 views
0 likes
0 comments
燒賣
81 views
0 likes
0 comments
魚翅餃
69 views
0 likes
0 comments
蝦餃
73 views
0 likes
0 comments
Post
