皇廷工房點心專門店 (Closed)

同事話想食盅頭飯同點心，一行4人去皇廷食午飯。4個人叫咗個4人套餐，分別有4煲飯、4個點心再加4杯飲品。套餐要$214，另外再收$5一位茶錢。同事叫嘅肉餅飯同牛肉煎蛋飯上檯先，個樣已經唔係咁靚，點知個鳳爪排骨飯黎到，仲衰過已經上檯嗰2煲飯！究竟係唔夠餸賣夾硬將一份餸分開兩煲？定係本身個份量係得咁多？以前黎食都唔係咁少，乜而家差成咁！啲杯杯碗碗污糟都不在話下，而家連啲食物都咁樣，想點先？ 由於當時仲有4個點心未到，所以都無要求換，但係貼錢都唔會再去食。