鮑魚係罐頭鮑，鮑魚同蠔豉都好細隻。
蝦唔係海蝦，只係基圍蝦；花菇亦食唔出係日本菇，冇花菇應有口感，只係普通貨。
西蘭花好難食，唔知雪咗幾耐；超多黃芽白，連菜頭都冇切。
最好食係芋頭，連蘿蔔都唔索味，淨返大半盤蘿蔔同菜。
我記得係舊年堂食串燒，個老細吹到個盆菜好好食先幫襯，結果竟然係咁，真係好失望。寧願你收我貴啲，好過俾垃圾我食，一年先食一次，唉！
同埋2022年呢間嘢先話自己啲盆菜日日新鮮整唔留過夜，點解去到2024年變咗冰鮮盆菜，賣嘅時候有冇同個客講聲？ 咁樣算唔算違反商品說明條例同存心欺騙顧客？
