今次仲搵左間Dog friendly既coffee shop，可以帶埋家中老狗去嘆下世界
呢間coffee shop叫coffee+space
名符其實有足夠既空間比大家去嘆下咖啡
一去到，感覺到呢間coffee shop隨性得黎又有少少特色！而且價錢一d都唔貴，性價比好高
下午茶餐都係$40一個餐，有咁舒服既環境，真係無得輸！
自己出去cashier落單，自助取餐
講左食物先！大大碗新加坡喇沙，有喇沙專門店既質素，都只係$40一點餐
配料夠、米線分量十足，有少少椰香味，又唔會太辣
如果要挑剔嘅，就只可以話米線煮耐左少少，因為個人口味黎講就比較鐘意硬身少少嘅米線
我老婆就叫左花一果香蛋糕🍰問完店員就知道原來係香蕉焦糖蛋糕
簡直係我老婆最愛！看似平平無奇，但食落去好有驚喜
面層焗到脆脆地，配合埋脆卜卜既核桃，連平時麻麻地果仁既老婆都話好好食
香蕉味又出又香，甜度適中，而且夠鬆軟
真心推介啊
加左少少錢要左杯Flat White!
去coffee shop又點可以唔飲返杯coffee呢
Flat white容易入口，好香好濃，配合埋清雅既拉花，夠哂chill
因為老婆唔夠飽，所以叫多左份三文治
相比之下，三文治就無咁突出，不過基本功夫做到足，烘底烘到麵包皮脆卜卜，呑拿魚餡料都足夠
整體黎講，食物水準都幾高
難得有一間歡迎寵愛既coffee shop
真係老狗都笑出聲
不過人狗共存，始終可能有客人會唔鐘意狗狗
記得好好管理好狗狗，唔好比騷擾到其他客人了
順帶一提，coffee shop同一間叫ching2lovespatissertie既 ig shop負責人合作，有狗狗月餅買，都非常吸引架！
店內有唔少裝飾
仲低調咁放左文宣postcard係一間有良心既小店
仲有精美月餅買添
整體黎講，coffee+space環境舒服、食物質素高，輕輕鬆鬆咁就一日
大家快啲襯第4波未黎，出去支持一下啦
