DOJE (Closed)

行行下musea肚餓就去咗foodcourt食嘢，見到呢間腐皮壽司好得意，所以就試下。價錢偏貴，但係每一粒份量都算大。總共叫咗六款：芥末八爪魚$26、特製醬油蝦$35、明太子沙律35、雪花牛扒$38、辣炒牛五花$32、四重芝士蛋$26。芥末八爪魚唔係平時食開嗰種爽脆口感，行軟糯易咬派，味道正常無特別。醬油蝦好迷惑，唔知點解會係一pat乾咗嘅啫喱達喺面，味道一啲都唔醬油，啲蝦失咗蹤。雪花牛扒嘅芝士等於無出現過，毫無芝士味，雖然入面有一粒粒牛肉，但係都偏硬，味道就係照燒咁甜甜地。辣炒牛五花好辣。四重芝士蛋都係啲芝士唔知去咗邊，啲蛋又好搞笑，似係同薯仔+蛋黃醬打碎成泥舖上面，我以為係蛋卷...。明太子無食唔評價。overall評分會俾3/10，得個飯同腐皮好食，唔推薦大家食。