屋企樓下果間台灣菜開左咁耐都係食過一次，上次試左牛肉麵都幾好食。由於疫情影響下，公司要求員工在家工作，咁我有機會同我個朋友去試下啲午餐。午餐價錢都唔算貴5x至7x都幾抵食。好多人等位都等左成20分鐘，入到去都有卡位坐。
我試左個鹽酥雞飯，皮脆肉嫩而且仲配左個柚子汁，食落相當開胃。我個朋友就叫左鰻魚飯，夠燒汁而且入味，筷子插入鰻身魚肉即分開，一口吃下去後，魚肉的鮮味在口中溶化，美味無比。仲叫左果小食蝦卷一齊食，有粒粒蝦肉，應該有少少花枝滑係入面，爽綿交集幾有口感，又好鮮味。
跟餐叫左兩杯水果茶，滿滿的生果都幾新鮮應該係即日切既，甜度適中。
台灣菜黎講都幾好食，下次可以再試下其他野。
