宜家家居美食站

Open Now

Now Closed

放假去宜家除左可以幻想下自己間房可以點裝飾或設計下裝修之外，仲可以醫肚，廿十蚊都唔使就食到飽飽，仲有甜品。珍寶熱狗餐$10，有珍寶熱狗同超大杯飲品。熱狗包好軟熟又夠熱辣辣，珍寶腸並不是粗大的款式，而係長身，自助任加茄醬同芥末醬，茄醬偏酸好開胃，芥醬帶苦澀唔辣好香。汽水有齊幾款，可樂、雪碧、芬達等等。今次我仲揀左冇氣唔太甜既蘋果綠茶，超大杯。其實$10已經食到好飽好夠，我仲買左個甜品，廿十蚊都唔使仲平過老麥。爆谷乳酪雪糕$8，爆谷岩岩整起，鬆脆好有空氣感，味道微微甜，最正都係乳酪雪糕，酸酸地加上焦糖醬，食完都唔膩，為今餐抵食午餐畫上完美句號。不過真係太抵食，所以勁多人排隊，食個時都好多人，場面迫爆，幸好條隊好快散，我同朋友排左一陣就買到，剛好搵到個位可以立食。