京華酒樓 (Closed)

京華酒樓屋企人好鍾意呢間酒樓，第一位置好便利，第二平日晚上嘅套餐非常抵食，今晚一行幾人有嚟到呢間酒樓，半隻片皮鴨＋1個雜菜煲，只係＄158，龍蝦係＄78/1隻，仲可以加錢配伊面底。分量真係好足夠，性價比當然高，味道都係正常中式酒樓嘅味道，水準都可以保持到。至於個片皮鴨，唔好期望佢係絕對嘅出色，外皮係好香脆，但係肉太多啦，應該皮同肉嘅比例要恰當先。呢度仲有個極大嘅優點，就係每張枱之間嘅空間感十足，唔會坐得好迫，中國人最鍾意就係坐喺酒樓，舒舒服服傾吓計，食個飯，呢度絕對符合以上幾個要求。