家後

餐廳老闆好有心思，除左售賣餃子、飯麵，仲有多款下飯小食，而且最意想不到既係，竟然有手作日式甜品。晚市7點，已經坐滿人，座位舒服，亦有唔少人買外賣。

雙拼煎餃套餐B

$57

叫左雙拼煎餃($40，雙拼加2)，跟套餐有飲品及飯糰($15)，家後鮮大腸羹($35)，日式炸雞($25)，鹵水雞腎($20)，日式手作芝士蛋糕($20)。

雙拼煎餃

$42

煎餃隻隻飽滿，煎得好靚，就咁望已經見到焦脆狀況。一咬，d肉汁爆哂出黎，而且香口得黎唔油膩。仲可以配搭自家製辣辣菜脯，先爽口，後帶辣，口感更佳。另外仲有唔常見又特別既款式如芫茜、洋蔥，迎合唔同人既口味。

韭菜豬肉餃

韭菜豬肉餃夠香，餃子皮薄。

雲耳椰菜豬肉餃

雲耳椰菜豬肉餃清甜，雲耳椰菜爽脆，豬肉肥瘦合宜。

日式住家飯糰

飯糰自家製造，日本米粒粒都混和帶甜既日本醬油。特別係米飯同配料係一齊混合，再人手捏成三角形，所以啖啖都食到飯及配料。牛篣清爽，飯唔會過軟。

家後鮮大腸羹

$35

估唔到價錢親民，勁大碗，而且用料十足。選用既新鮮大腸清理得好乾淨冇異味，屬靭身少少既口感，爽。

其他配料有豬紅、豆腐、肉絲等，每羹都係餸。自己食一碗，係超級飽肚。個人非常鍾意大腸既口感，平時好少食到。

日式炸雞

$25

炸雞有大4件，肉嫩有肉汁。炸粉唔厚，而且炸粉混有d調味料，香口唔膩。鍾意可以配埋甜酸辣醬。

鹵水雞腎

$20

雞腎鹵完爽脆，唔會過鹹，份量亦唔惹少。

日式手作芝士蛋糕

$20

最後既甜品係必食，枱枱食客都叫。老闆既日籍太太自製芝士蛋糕，蛋糕口感幼滑，啖啖芝士味，頂層及底層比內層硬身dd，有d焦焦地既味道，雙重口感，一流。

整體，老闆好nice，主動問食客意見，又自動俾碗仔。食物質素高，用料十足，價錢仲要非常親民，好難得。