越瀧棧

Open Now

Now Closed

遲左放工又趕住返去追劇，決定買個外賣返去，可以一邊煲劇一邊慢慢嘆住食，有大叔同田田陪我一齊食，食都食得開心啲。簡簡單單揀左蝦頭膏海鮮炒飯同豬頸肉，外賣拎到返屋企仲熱辣辣，炒飯一打開即聞到香噴噴，飯底用蛋炒到金黃色，有好多海鮮配料，蝦、魷魚、蟹柳、蜆肉、鳴門卷(日式魚蛋)，蝦頭膏炒再加埋香脆乾蔥，超級惹味。另外豬頸肉都水準之作，豬頸肉燒到燶邊好香口，肉質就好juicy，配埋個酸辣醬汁簡直一流。原本呢度既份量一個人食其實太多，但因為好味所以我全部清哂，結果煲完劇要做運動消耗番啲先得。