未夠鐘開門,已經好多人排隊等,周圍食肆都係
排緊隊入去已經聽到STAFF講,BOOKING FULL晒,姐係WALK IN 要88
一入去彷彿去左好有中國特色古城,而又不失新派元素
餐廳設計同現實好大對比
未開餐眼睛已想旅行, 望住咁靚環境食特別有FEEL
首先,沖壺人蔘烏龍茶飲
已經訓醒第一餐,都覺得茶味淡
茗茶位位$20,多謝老細
瑤柱賽螃蟹 - 好味瑤柱多,令我有刻以為有蟹
石鍋竹笙蟹粉燉豆腐 - 豆腐好滑,唔係好覺蟹粉味
因為NaCl重手左,我淨係食到咸味,特別係塊竹笙,非常入味
而石鍋既高溫KEEP住煮令到水份更少,汁更濃
適合味覺退化既你可能撈白飯食會中和番
1
花雕醉乳鴿 - 好入味,啖啖食到花雕香
椒監小黃魚 - 唔會炸過龍,魚肉滑
之前睇介紹個PLATING好似唔係咁
蜜汁燒白鱔 - 蜜糖缺貨,無蜜味
鱔肉肥美多汁,大大舊啖啖肉,如果魚皮乾身會更昇華
在家DIY用焗爐整叉燒鱔都做到呢個效果
鐵板上的小籠包 - 鐵板上既包底似生煎包
餡靚多汁,放心唔會穿,因為皮厚
小籠包作為上海菜地道美食,即使唔係招牌菜,正宗上海菜應該無難度
但我係其他上海菜連鎖店/小店食過更皮薄餡靚
好似正宗台灣麵既紅燒牛肉麵唔應該失準
慢燒煙燻脆皮雞 - 高水準
上菜時係有罩罩住,不過我捕捉唔到佢揭起走煙果剎拿
煙燻味完全入晒肉,皮脆肉嫩
最後叫個甜品做結尾
高力豆沙香蕉 - 第一次食無對比
淨係覺得餡少空氣多
家人話好食
服務: STAFF叔叔好親切,主動
食物: 呢間唔係普通上海菜,要求自然更高,無想像中咁好食
環境: 無得頂
