光榮冰室 (福昌大廈) (Closed)

光榮試食今日觀塘，一早search 下有咩可以試，見到有光榮冰室，應該可以一試，順便支持下小店。餐廳真係細，一枱4人中間有隔板，都算安全。雖然常餐有沙爹牛肉麵，但係真係會食唔晒，於是叫左下午茶嘅沙爹牛肉包餐，沙爹牛肉份量唔少，塞滿長餐包，牛肉唔算太咸，肉質都冧，冇泡打粉嘅感覺，但就少咗沙爹嘅香味，嗰長餐包有烘過，不過唔夠硬身，好容易俾啲汁浸淋左，如果改用熱狗包或者硬豬仔包就會好好多。不過包埋餐飲，經濟抵食，可以接受。