但要講車仔麵，一定係呢間!!我之前都黎齊都試過無數次，真心好味既野唔怕一講再講!!
呢到雖然人流都好多下，但好多人都快快食完又到下一輪，所以每次都唔洗點等位。
老實講以佢既價錢黎講，一定係抵食加好味。以前食好多車仔麵店，而家好多都加左好多台式既湯底或者泰式既口味。
但我最鐘意既始終係港式!!
孖寶車仔麵唔止有車仔麵, 仲好多款飯同小食，選擇好多，一定係有香港人既心水。
唔好以為呢到既環境，D呀姐一定事事旦旦或者粗粗魯魯。我問左幾款醬汁有咩分別，呀姐都好好笑容咁解釋我知，落單快手。
3餸車仔麵套餐$44包熱飲<=去邊到搵?
車仔麵我揀左豆腐、麻吉燒、牛柏葉、咖哩魷魚河粉, 沙嗲汁
黎到一定要試佢既咖哩魷魚，真係好好味。老實講香港唔係好多間做到咁有港式口味，唔會得個辣字。
仲有，我偷偷地試埋我朋友揀既秘製汁，真係好香好好味又唔辣，大家下次都可以試下。
