同時，可約埋住在元朗的一家三口朋友，我們一行5人，4大1細！
當晚星期日，大家首次走到 B Duck 主題餐廳！我們約在晚上 6:30 到，當時算少人，就算 walk in 都可以不用等位，食到 7:00，這裡已經 full 哂！
然而，最近平日夜晚再幫襯，可能是平日的關係吧！相對好冷清！
最高峰只有3枱客，包括我一個人！平日及週末的生意差天共地呢！
(可經 Openrice app 訂座，只限星期一至五)
好可能少客的關係，加上我預先兩日在 Openrice 訂座吧！店方安排一張印有 B Duck公仔圖案的小圓枱給我！
這間主題餐廳亦適合親子呢！因此，店方會提供 BB 椅，非常週到！
細小的商場舖位自成一角，每一個角落也見到主角 B Duck 蹤影！
靚女店員又會聊吓 BB 呀！十分親切又 nice！
Menu:
晚餐：套餐包括沙律或餐湯 (週末)
沙律簡單又新鮮的沙律配上車厘茄，淋上酸咪咪的黑醋！健康又開胃！
忌廉火腿粟米飯 $98
最吸引我莫過於其立體 B. Duck 鴨仔造型！
用提子乾做眼，真是為肖為妙，實在太趣緻嘞！ 都不知道先食鴨頭還是鴨 pat pat 先！
忌廉火腿汁的味道，令我重拾中學年代食到粟米肉粒飯那種口味！既穩陣又美味！
還加入西蘭花及蟹籽，口感更多元化！
B. Duck 至尊牛肉漢堡薯條 $89
這款漢堡包絕對啱哂喜歡食菠蘿嘅朋友仔嘞！單看賣相，似乎不見有 B Duck 的樣子！
打開包身，包身內裡壓印 B Duck 的樣子，令他由失望變成開心及驚喜！配料亦豐富！牛肉、煎蛋、生菜...等， 菠蘿香甜多汁！
另外，炸粗薯條令人食上癮呢！
叉燒豬骨湯拉麵 $90
加上鴨仔形雞蛋的確生色不少！
拉麵湯底未至於重口味，勝在熱辣辣及份量足夠！最適合忙於餵 BB 的媽媽朋友！
朱古力系列 menu
黑糖朱古力 升級特飲+$19
加入棉花糖可見心思，
入口帶有黑糖的清甜及朱古力的甜美，總括而言頗甜！
薄荷朱古力 升級特飲+$19
薄荷跟朱古力都幾夾，平衡口味，令整體不會好甜！
士多啤梨窩夫 $52
窩夫烘焗得恰到好處！香脆又質感綿密，配上酸甜的士多啤梨醬及士多啤梨，可減低罪惡感！
大家又可以開心 share，每人也嚐到甜品，為這餐鴨仔主題晚餐畫上完美句號！
晚餐：套餐包括沙律或餐湯 (只限星期一至五供應)比較單叫貴十多元，多了餐湯或沙律及餐飲有優惠吧！
粟米忌廉湯
熱辣辣的粟米忌廉湯，甜美度適中，夾雜爽脆清甜的粟米粒，還有麵包粒，不過已經不香脆了！
皇牌焗豬扒飯 $89 晚餐
單點價 $72，熱辣辣香噴噴！
加入切條又入味的炸豬扒，蕃茄、茄子、菠蘿...等，口味豐富！白飯不算炒底，飯有點軟腍之餘，亦沒有沾上蛋黃汁，純粹混合炒蛋而已！
(熱) 櫻花白朱古力牛奶 (原價 $38) 跟餐半價 +$19
白色與粉紅色的花形拉花，賣相好吸引，
而且未嚐已見到奶泡打得幼滑細膩，入口好似飲藥水的味道！甜得好怪啊！
B. Duck Cafe 的晚餐約 $100 已有交易，口味多元化又有創意，價錢合理，質素是合格之上，最緊要有主角坐鎮，滿足大家視覺又食得開心啦！
