慶祝平安夜
！本來諗住去[極尚大喜屋]，點知遲人一步
，唯有將理想交托畀[相撲手]了！
係The One睇完套[失戀日]
，行過去[相撲手]，剛好趕及5:30場
，估唔到咁多人
，要排住隊入場添……
餐廳以和風式格局作佈置
，感覺舒適。二人枱比較細張
，不過都有梳化椅坐！上菜好鬼快
，我哋點嘢食果陣，係要就住嚟，分開落單㗎！
第一時間點刺身先
，wow
三文魚厚切肥美
！吞拿魚啖啖肉厚！油甘魚有魚油香！北寄貝夠爽口！北海道帶子鮮甜嫩滑
！鮑魚片爽甜好食！相撲手赤蝦十分鮮甜！松葉蟹腳
無腳得肉身，完全零鮮味！我哋無點到榮螺，但照上，錯有錯著，既爽脆又鮮美！反而點咗厚燒玉子又無，唯有第二輪再click過，真係又厚又好味
啊！
生蠔每人配給兩隻，味道不過不失，ok喇！
食吓熱嘢先，芝士煙肉焗蠔
，芝士夾雜煙肉，滋味無窮！
香草燒焗羊鞍
，肉質超嫩滑！
金絲脆蝦盞
，又真係几香脆！芝士年糕，外皮非常薄脆，芝士淡淡味，好煙韌食完唔覺飽滞！蝦兵蟹蓋，有沙律醬舖面，啲饀料甜甜地，几好食！燒菠蘿，香甜多汁！
輪到啲壽司卷物
~好多款式啊！雖然啲飯比較鬆散，但口感唔錯，啱晒我呢個壽司卷物控！
火炙鰻魚
，醬汁微甜，口感外焦裡嫩！火炙芝士海老，薄薄嘅肉子燒，還是厚件好味啲！黑松露蟹棒、油金魚、鵝肝等，松露味濃郁，啊！柚子芥茉帆立貝，帶點柚子香，清新特別！岩鹽燒三文魚肥美甘香！泰式虎蝦，帶點酸辣又彈牙！花之戀，三文魚卷好薄片，賣相又唔靚仔
！海膽赤蝦、海膽葱吞拿魚等，鮮味可口！芒果帆立貝鵝肝，配搭創新，甘香甜美！
卷物至
，層次口感豐富十足！件件都好味！芒果軟殼蟹反卷，既有芒果香甜，又有香脆口感！黑松露芝士忌廉三文魚卷，有松露味又有creamy芝味，加埋三文魚，勁！黑松露加州卷，多咗黑松露口感！黃金芝士蝦卷、芝士吉列蠔卷，香口味美！蜜糖芥茉鴨胸卷就普通啲。
最後食返條香芋雪條及朱古力雀巢雪糕杯作結。
飲品：熱茶、各式汽水。
我倆揀咗檸檬茶、忌廉及提子汁。
服務: 上菜及收碟非常快，效率奇高
！唯一要改善嘅係漏單，可能節日關係，錯漏多咗！
今次食得太多卷物壽司添
，搞到無胃口再添食焗蠔、燒羊架、刺身及燒物等。兩個人食咗四個人份量，非常滿足！
睇唔出咁大食
呢~
