18
1
1
Level4
224
2
2017-12-06 2350 views
好開心今日賴生同屈小姐都獲得左委派,開心既時候係特別容易肚餓,特別想食野慶祝下既,所以係聚會完左之後,我地好迅速咁搵野食啦,屈小姐就同賴生商量,究竟食泰國野,越南野定辣野好?其實賴生心底梗係揀辣野啦,但佢好清楚減緊肥既屈小姐問緊既唔係一個問題黎,所以賴生揀左越南野,冇咁肥麻(你以為啦⋯⋯)經過左投票表決之後,賴生迅速帶屈小姐到達《Soo Viet》,一間都On list左係屈小姐美食板塊上既舖頭,一間傳聞食越式法包好出名既舖頭!(利申:麵包怪)一去到發現一樣恐怖既事實就係天氣溫度一跌少少,隔離間坤記已經勁爆多人了!相反我地2個就拉開門入去呢間越南野一拉開門,天與地⋯呢間舖頭居然大把位,賴生同屈小姐近乎任坐咁濟⋯(呢個時候心諗:會唔會中伏呢?)不過值得欣賞既係:間舖頭既樓底都好高,冇壓迫感。而店員服務都好貼心,唔會催你叫野食,仲留意到賴生同屈小姐應該會2個人Share食,主動提供2隻碗仔添!而且賴生同屈小姐都冇叫套餐又冇叫野飲,佢都好醒目咁即時奉上2杯暖水,係暖水喎,唔係熱水,可以即刻入口一飲而盡既溫度此外,呢度既侍應係講疑似越南話自己溝通既,應該係越南人黎既,相信呢間野本身應該都幾正宗
Read full review
好開心今日賴生同屈小姐都獲得左委派,開心既時候係特別容易肚餓,特別想食野慶祝下既,所以係聚會完左之後,我地好迅速咁搵野食啦,屈小姐就同賴生商量,究竟食泰國野,越南野定辣野好?其實賴生心底梗係揀辣野啦
,但佢好清楚減緊肥既屈小姐問緊既唔係一個問題黎,所以賴生揀左越南野,冇咁肥麻
(你以為啦⋯⋯


81 views
0 likes
0 comments


經過左投票表決之後,賴生迅速帶屈小姐到達《Soo Viet》一間都On list左係屈小姐美食板塊上既舖頭,一間傳聞食越式法包好出名既舖頭!
(利申:麵包怪


一去到發現一樣恐怖既事實就係天氣溫度一跌少少,隔離間坤記已經勁爆多人了!相反我地2個就拉開門入去呢間越南野


69 views
0 likes
0 comments


一拉開門,天與地⋯呢間舖頭居然大把位,賴生同屈小姐近乎任坐咁濟⋯
(呢個時候心諗:會唔會中伏呢?
)不過值得欣賞既係:間舖頭既樓底都好高,冇壓迫感。而店員服務都好貼心,唔會催你叫野食,仲留意到賴生同屈小姐應該會2個人Share食,主動提供2隻碗仔添!而且賴生同屈小姐都冇叫套餐又冇叫野飲,佢都好醒目咁即時奉上2杯暖水
,係暖水喎,唔係熱水,可以即刻入口一飲而盡既溫度


此外,呢度既侍應係講疑似越南話自己溝通既,應該係越南人黎既,相信呢間野本身應該都幾正宗下


306 views
0 likes
0 comments

308 views
0 likes
0 comments


既然佢地冇催落單,咁賴生同屈小姐當然要開個詳細既會議,比較下套餐同非套餐既分別
!結論係:如果⋯唔係減緊肥既你,當然叫套餐會比較抵,有小食(炸春卷2條/青木瓜沙律)連野飲。但於我倆黎講,都係散叫比較化算


生牛肉河粉
$46
45 views
0 likes
0 comments


1)生牛肉湯河:4⭐️


好正宗味道既生牛肉湯河
,金不換同其他香草已經一早落左係湯底度,湯底既味道都帶好重香料味,而且睇得出佢用左大量牛骨去熬湯,因為好多骨髓粒粒係湯度
!牛味都強勁


而且河粉好滑,既吸味,又唔易斷,配呢個湯幾好味,吸滿湯既精華


生牛肉呢,薄薄幾片,有成8塊左右!超多呢
而且唔肥,所以變相就有少少Un,但有牛肉味既


可惜既係,個湯底真係太油,令我地對住個湯有點膽怯,唔太敢連湯食


由於湯油同牛肉Un既關係,整體扣1⭐️

特式牛肉撈檬
$52
69 views
0 likes
0 comments


2)特式牛肉撈檬:3⭐️

特式牛肉其實唔錯既,嫩滑有咬口,牛肉味出!檬粉彈牙索汁!本應係上佳之作,但弊在個撈檬汁
!同平時食開既撈檬汁好唔同,唔知係唔係想建立自己既特色定點,過甜!
甜到冇左撈檬汁微辣同微酸既味道,冇晒層次兼夾奇怪⋯所以大扣分!


豬肉越式法包
$45
85 views
0 likes
0 comments


3) 豬肉越式法包:4.5⭐️


超正既一個法包,外脆內軟既程度做得好出色好分明,外面脆到係一咬落去碎花四濺,入面鬆軟既程度同外面形成一個鮮明既對比,口感好正,而且個包包好大個,連賴生個血盆大口都唔可以一啖食晒,溫度又好夠熱,好正!!

除左法包抵讚之外,配料都幾多,烤豬肉,蘿蔔絲同青瓜都有,豬肉烤得好好,脆邊加Juicy,而個法包冇落到牛油,令人食落感覺好清新! 而味道既主要來源除左豬肉,仲有就係佢秘製既醬,味道好清新! 不過其實只要係蘿蔔絲度下D苦功,醃一醃醃酸少少,味道層次會更強,而且整體味道更佳,就唔需要靠加醬啦,始終醬可能係邪惡既來源!

372 views
0 likes
0 comments


最後同場加映一張Lunch menu比大家! Lunch好平呢!



總結:

Soo Viet係一間味道其實中上,份量價錢合理,服務良好既餐廳,但某d食物出品上真係要改善一下,例如撈檬汁同湯底太油既問題,如果改善到,其實都應該可以變到賴生同屈小姐既越式Canteen之一,如果再次造訪,都應該係因為佢既越式法包!!


#收到委派啦
#要好好慶祝
#一路上有妳
#久違的散步談心
#極珍貴的自然
#與妳一起成長
#原來越式法包也是第一次
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2017-10-28
Dining Method
Dine In
Spending Per Head
$71.5 (Dinner)
Recommended Dishes
生牛肉河粉
$ 46
豬肉越式法包
$ 45