通常飲茶都會揀返屋企附近嘅茶樓，於是我就揀咗呢間源發。
之前都有食過嘅，佢啲點心都幾得意架，我唸啲小朋友應該幾中意。
叫咗唔多，淨係叫咗五樣點心，
1.源發蝦餃皇：皮薄，蝦都幾彈牙。
2.蟹子燒賣皇：每粒都大大舊，好足料。
3.可愛流沙包：表妹見到好開心。我見到就覺得好搞笑，出曬汗嘅豬仔包，食落都唔錯，唔會太甜，啱我口味。
4.金雞鹹水角：造型真係好得意，小朋友至LIKE啦！仲話要攞返屋企擺。哈哈。我都好耐無食鹹水角啦，懷舊小食。
5.春風得意腸：食落幾香口。
幾樣點心都幾好食。大家都食得幾開心。價錢都算實惠。
住附近嘅都可以帶下小朋友嚟食下個滿頭大汗嘅豬頭包架。
