撈喜 (Closed)

最鍾意上openrice睇有咩新餐廳，嘩睇到花膠女人對眼就發光，女人唔補好易老，今日得閒，一於拉同事去試，東大街唔算難找，一即行到街尾就見。一場來到當然叫個撈喜豪華餐試下。地方唔大，坐位大約二十個左右，好彩兩點半來到，唔多人。原來三點至六點休息，我見好多人同我一樣睇左花膠推介專登來試，但三點後想食都無，失望走左。原盅花膠湯，足料，飲落好香甜，有杞子，紅棗，雞腳，花膠，同豬肉，感覺好補😂生菜好大盤完全食唔哂，實在太多啦豬頸肉食落香口，但凍左就有少小肥油溢出花膠撈麵，麵普普通通，花膠夠大，但薄身左D，如果厚身D口感會好D，但諗起150元都唔洗有花膠，要求都唔好咁高，厚花膠就唔係咁嘅價位。