Read full review
2016-05-26
1015 views
係長洲玩到傍晚，雖然未係好餓，但一場入到黎梗係食餐大排檔啦~經過每間既姐姐都好落力宣傳佢地既小菜，又講有咩優惠又講自己既餸最大碟，真係完全唔識揀！！結果慳妹格價之後，揀左呢間，因為個姐姐話$188有四個餸，聽落好平！不過佢限左係佢指定既餐牌內選擇呢四個餸，大概得二三十款左右，仲要好多係果啲羹果類，如果想叫其他就要跟返原價散叫，所以扺唔扺就見仁見智喇不過有樣野要提大家！個姐姐話四個餸，但坐低點餸時又話四個餸係指三餸一湯！咁擺明玩野姐我就同姐姐理論左一陣，最後佢地都比我地叫返四個餸！所以大家小心唔好比人厄叫左西檸雞，清蒸海上鮮，三色蒸水蛋同埋粟米魚肚羹，其實佢有部份海鮮揀但無叫到，因為時間仲好早。西檸雞：每次食大排檔一定點都要叫炸野，咕嚕肉呀粟米斑塊等等，可惜佢個餐牌無，就唯有叫西檸雞，從圖可見，西檸雞個汁都好多下，直情係浸到一半啲雞咁囉汁較為酸，平時西檸雞個汁應該係酸甜，呢個未能做到，但杰度就做得唔錯。講返啲雞，脆對我呢個炸物控係最重要，要炸得夠脆但又要掛到啲汁，絕對係考師傅既功架呢到就有啲脆但都有一半已經淋左，可以接受~但重點係雞件本身肉好少，佢連埋皮炸但同時每件既肥膏係超多！食落每件
結果慳妹格價之後，揀左呢間，因為個姐姐話$188有四個餸，聽落好平！不過佢限左係佢指定既餐牌內選擇呢四個餸，大概得二三十款左右，仲要好多係果啲羹果類，如果想叫其他就要跟返原價散叫，所以扺唔扺就見仁見智喇
不過有樣野要提大家！個姐姐話四個餸，但坐低點餸時又話四個餸係指三餸一湯！咁擺明玩野姐我就同姐姐理論左一陣，最後佢地都比我地叫返四個餸！所以大家小心唔好比人厄
叫左西檸雞，清蒸海上鮮，三色蒸水蛋同埋粟米魚肚羹，其實佢有部份海鮮揀但無叫到，因為時間仲好早。西檸雞：每次食大排檔一定點都要叫炸野，咕嚕肉呀粟米斑塊等等，可惜佢個餐牌無，就唯有叫西檸雞，從圖可見，西檸雞個汁都好多下，直情係浸到一半啲雞咁囉汁較為酸，平時西檸雞個汁應該係酸甜，呢個未能做到，但杰度就做得唔錯。講返啲雞，脆對我呢個炸物控係最重要，要炸得夠脆但又要掛到啲汁，絕對係考師傅既功架呢到就有啲脆但都有一半已經淋左，可以接受~但重點係雞件本身肉好少，佢連埋皮炸但同時每件既肥膏係超多！食落每件都覺得好肥，加埋個脆䊢極厚，所以每件食落其實只有一半左右係肉... 唯一慶幸係肉身未算太鞋口，但整體黎講唔合格咯！
清蒸海上鮮：今次係蒸盲鰽，其實個人淨係中意䱽魚哈哈盲鰽本身平，所以預佢都會大條，結果上菜時的確令人滿意，成個碟咁長，厚身多肉，算佢啦魚肉算滑身，加埋油就唔錯喇不過豉油似乎唔夠咸。
粟米魚肚羹：大大窩，同個朋友未食餸飲呢個湯都飽哂咯！魚肚份量都多！而且唔係好腥，粟米量反而少啲，但整體調味都可以，老實講，粟米魚肚羹其實都好少食過唔好食既
三色蒸水蛋：同樣地，份量都夠大，咸蛋同皮蛋既量都唔少，略嫌個蛋水份多左少少，而且面落左好多油，味道整體唔錯，都係果句，蒸水蛋好難難食既
整體份量足價錢平取勝，但味道同質素就未係最好，大家取捨吧
Post
