但也時常帶着猶豫
價錢偏貴是預料之內
擔心的是吃不到滿足感
於友人長時間留意下 見這間日式居酒屋已開了幾年 便去試一試
先嚟生啤濕下口
鮟鱇魚肝
入口即化 鮮味 冇魚腥味
汁帶微酸 開胃
煎蛋捲 明太子味
係個日最為失色的料理
味道係好好味 不過用熱鐵板上
使外蛋過熟 失去了滑滑蛋汁的口感
螢烏賊
入口軟身 鮮甜 汁料也是帶微酸
又一開胃小品
海膽壽司
很好味 雖只是加拿大海膽
滿滿的海膽 味道鮮甜帶甘
令人有再點的沖動
BB 蝦 送酒一流
脆口 蝦肉食到甜味
可能為了保留蝦肉微微濕潤
友人食到少少蝦衣皮 口感上差一點俐落
串燒
牛舌：第一回的外表夠乾身 而入口水潤 放上平凡的鹽巴 好味
阿波尾雞皮 同 雞頸肉：味道平常 但可以燒乾多少許 咬落未有脆口感
油甘魚壽司 魚鮮味 飯量偏少唔覺有醋味
左口魚壽司 魚鮮味 彈牙 油脂極高 正
生蠔 正常 冇驚喜
刺身船 十分驚喜
上圖右邊見到在木匙下的是三文魚子 用杯上
赤身 讚
一般有啲怕鯹同筋的我 原先都有少少抗拒 但入口輕輕便咬開了 十分鮮甜 尾尾還帶回甘 要飲一口茶才試下一款
鮮～希靈魚 今日VIP 好好食 鮮甜 肉質彈牙 完全有別於一般的白色黃色希靈魚 超正
三文魚子 甜 係細粒左少少
甜品還有個炸雪糕 超級好味 再一次 兩極相遇帶來的化學作用 外脆內軟 先熱後凍 一句講晒 用手襯熱快食 可惜放唔到相 因為有數量限制
這店的氣氛超熱鬧 老闆在 9:30 左右開始高歌 之後又東京街學友 又九江街克勤咁
如果怕的 可能要早一點埋單
不過 可能會有損失 因為一開波 只要為老闆用手機打燈 便每人一杯清酒 🍶 入口很有厚度 飲得出係高級品
