皇軒私房菜

喺香港歷史博物館附近行過，今晚老公話要食中菜，原來佢已經預早book好位，慶祝甚麼紀念日，驚喜。
店內裝修格調大方，位於高樓層，窗外面望到街景。

店員為我哋沖泡了茉莉花茶，入口清香，解暑氣。

涼拌金菇紫椰菜，仲有芫茜，清新爽口，這個天氣食最啱。

涼拌金菇紫椰菜

麻辣牛，辣嘅程度啱啱好，牛好淋，老公讚不絕口。

麻辣牛展

招牌石岐燒乳鴿，皮香肉嫩，鴿皮香口到一個點，肉嘅味道調得好好，不需淮鹽也不需喼汁。

招牌石岐乳鴿

時令燉湯(雞)味道好香濃，熱騰騰，非常足料。

時令燉湯

燒汁薑蔥比目魚，師傅輕輕把魚塊泡油，既增添可口程度，也不會破壞肉嘅質感，每件魚塊都掛上秘製嘅燒汁，高手！推介一定要試。

燒汁薑蔥比目魚

香煎帶子伴飯，賣相已經好吸引，帶子爽口彈牙，個自家製黑豆豆腐好特別。

香煎帶子拌飯

津菜玉荷包，這個菜做得好仔細，饀料有冬菇、雞肉、紅蘿蔔、粉絲，味道好好。

津菜玉荷包

甜品係菊花豆腐，師傅嘅刀功真係厲害，豆腐嘅上層切成幼幼的絲，浸於薑汁糖水裏面成菊花形態，這是一件很美的藝術品。

菊花豆腐

很滿意這頓晚餐，吃得出師傅嘅用心製作，好有誠意，讓食客感受到真正的美食。