Read full review
2019-05-29
5275 views
寧靜嘅一個晚上，貌似平常嘅晚餐又帶有少少唔同嘅驚喜。晚餐嘅開端由平時嘅鬆軟麵包再加上薄身芝士薄餅，味道唔太強烈所以唔會影響味蕾品嚐其他美食，無牛油但配上黑醋橄欖油，一個唔同嘅開始。先嚟嘅前菜係 Classic Caesar Salad，唔同嘅係有唔同醬料任你配搭，當中最突出嘅我會覺得係鳀魚醬 (Anchovies)，襯托烘乾到成為脆片嘅煙肉，新鮮蔬菜加上竹炭炸麵包粒，食落去係香口又fresh。Duo of Crab Cake 做得唔會實的的，反而令蟹肉嘅肉絲感覺更加突出，蟹味幾濃郁鮮甜，配上Tomato Louis 醬，有提鮮嘅效果！Slow-cooked Iberico Pork Chop - 豬鞍嘅肉質係彈牙又鬆軟，入口油脂幾豐富，多汁得嚟又充滿肉香。松露汁係一個唔錯嘅配搭，連做伴碟嘅蔬菜都做到火喉啱啱好，食落爽口完全無過火嘅感覺。食西餐唔少得意粉類，呢個Salsiccia Sausage Porcini Ravioli 都係一個唔錯嘅選擇 ，意式雲吞味道算呢餐上比較濃烈嘅一碟，巴馬臣芝士、車里茄、French Basil，加埋都幾 match!甜品竟然係 Earl Grey Or
晚餐嘅開端由平時嘅鬆軟麵包再加上薄身芝士薄餅，味道唔太強烈所以唔會影響味蕾品嚐其他美食，無牛油但配上黑醋橄欖油，一個唔同嘅開始。
先嚟嘅前菜係 Classic Caesar Salad，唔同嘅係有唔同醬料任你配搭，當中最突出嘅我會覺得係鳀魚醬 (Anchovies)，襯托烘乾到成為脆片嘅煙肉，新鮮蔬菜加上竹炭炸麵包粒，食落去係香口又fresh。
Duo of Crab Cake 做得唔會實的的，反而令蟹肉嘅肉絲感覺更加突出，蟹味幾濃郁鮮甜，配上Tomato Louis 醬，有提鮮嘅效果！
Slow-cooked Iberico Pork Chop - 豬鞍嘅肉質係彈牙又鬆軟，入口油脂幾豐富，多汁得嚟又充滿肉香。松露汁係一個唔錯嘅配搭，連做伴碟嘅蔬菜都做到火喉啱啱好，食落爽口完全無過火嘅感覺。
食西餐唔少得意粉類，呢個Salsiccia Sausage Porcini Ravioli 都係一個唔錯嘅選擇 ，意式雲吞味道算呢餐上比較濃烈嘅一碟，巴馬臣芝士、車里茄、French Basil，加埋都幾 match!
甜品竟然係 Earl Grey Oreo Cheese Cake！你要知道伯爵茶果種茶香味係幾咁誘人，加埋芝士蛋糕嘅元素去做成甜品更加 creamy，feel 到體重又要增加但都無阻要一啖一啖品嚐！食落去係有黏黏笠笠咁，口感非常特別！
別具心思嘅一個晚餐，好味!
Post
