好耐無食燒鵝，又唔想去咁遠，所以就嚟到尖沙咀呢間裕鵝莊。裕鵝莊係由出名既深井燒鵝第三代傳人開既。
我地係平日六點鐘左右去，所以到既時候都無乜人。
深井燒鵝例牌 📌$160
例牌有四份一隻鵝，燒鵝既肉都幾厚身，配埋塊燒鵝皮食好滿足。配埋既醬同平日食既酸梅醬有啲唔同，好似酸梅醬加咗啲是拉差辣醬咁，不過我都係鐘意食傳統酸梅醬多啲。
鼓油皇灼鵝腸 📌$138
鵝腸好夠味，好爽口唔會好韌，食落有驚喜。
鵝莊小炒皇 📌$118
小炒皇幾夠鑊氣，入面有幾款唔同既料。有魷魚、腰果、蝦乾之類，用嚟送飯都幾好。
黃金蝦多士 📌$78
蝦多士有六件，除咗蝦之外仲有咸蛋黃碎，好香口。不過塊麵包比較油，一人食一件就夠喇。
除咗燒鵝之外，其他小菜都整得幾好食，可以一試。用埋Openrice訂位有八折就仲抵啦。
