第一次食梗係要嗌多d嘢啦～
晚市嚟食真係好多人，環境都有d嘈
「吞拿魚之夜」
1
吞拿魚盛合係美登利嘅招牌！共有四款吞拿魚壽司：大托羅、中托羅、赤身同埋碎托羅
由日本新鮮直送
大托羅油脂好豐富，有種甘香～食一舊就啱啱好
碎托羅亦都唔錯，唔會腥！但係食多容易滯
份量對於兩個人來講都幾多，可能要多d人分享會好d
赤身我覺得有d腥味，唔係好鍾意～
呢個手捲都令人驚喜，但係都有屯拿魚（好多啊）
三文魚子+海膽+碎吞拿=天堂
融合嘅味道好好，texture都幾夾
特級玉子壽司都係必食之一
上桌時真係超級巨大
壽司飯真係細細舊玉子嘅口感好實凍凍底，唔係好甜，個人就覺得麻麻哋～
散叫壽司都唔錯，有海膽、蟹肉同章魚吸盤
章魚吸盤好煙韌！調味酸酸地！
海膽亦都好新鮮！價錢我記得唔算好貴
1
唔食得生嘢可以嗌呢個鰻魚青瓜卷
甜甜底嘅醬汁好開胃，鰻魚都幾有香味
裡面嘅青瓜令到成件事好清爽～
1
整體來講，美登利壽司嘅食材大致上都唔錯
價錢部分我認為對得住質素，因為真係比平價壽司好食
